ПСАЛМЫ - Стихи и проза цыган. - Каталог статей. Цыгане. - Цыганский Ансамбль. Цыгане. Свадьбы, юбилеи, праздники.
Профессиональные музыканты, в том числе джазовые музыканты, артисты различных жанров и направлений, профессионалы от Содружества московских музыкантов выступают на праздниках и банкетах.

На фуршетной части праздника актуальны классические музыканты, чаще всего приглашается струнный квартет - две скрипки, альт и виолончель.

На праздниках всегда актуален ведущий праздника. Если это мероприяти свадьба, банкет или день рождения, то ведущего можно назвать тамада, но это определение все меньше и меньше употребляется в среде профессионалов.

Если ваше праздничное мероприятие прходит на улице, то вам наверняка потребуется духовой оркестр. Если праздник имеет официальные атрибуты, то, конечно, это должен быть военный духовой оркестр.

Наш опрос
Оцените мой сайт
Всего ответов: 4003
Вход к цыганам!
Логин:
Пароль:
Поиск
Статистика

Онлайн всего: 9
Гостей: 9
Пользователей: 0
Главная » Статьи » Стихи и проза цыган.

ПСАЛМЫ
ПСАЛОМ 4
(Образец: "Прости меня за всё", В.Туманский)

1. Сыр мэ кхарава Тут, отпхэн Ту мангэ, Дэвла,
пир миро чачипэн, пир миро чачипэн.
Сыр тасадо пыём, зракхьян Ту ман, мро Дэвла, -
потангинэ Ту ман, пошун мро мангипэн.
2. Сыр бут тумэнгэ сын, раклорэ манушытка,
пэ мири слава на-миштэс тэ ракирэн?
Сыр бут тумэнгэ тэ камэн дрома грэхитка?
Сыр бут тумэнгэ тэ родэн хохаибэн? Адякэ!
3. Джинэн тумэ, со Ёв ваш Пэскэ рикирэла
тэл Пэскро васт екхэн муршэн дэвлытконэн:
Сыр мэ кхарава Лэс, Дэвэл ман ушунэла,
пир миро чачипэн, пир миро чачипэн.
4. Издран тумэ сарэ и грэхи на кэрэн,
дрэ пэскирэ илэ екх штылыпэн латхэн. Адякэ!
5. Янэн дыибэна свэнтонэ чачипнаскэ
и допатян тумэ екх Раскэ Еговаскэ.
6. Ракирна мануша: "Кон сыкавэл амэнгэ,
со сын до лачхипэн?" - ракирна дылынэ.
О дром ко лачхипэн амэнгэ сыкавэла
екх Тыро свэнто Муй, - сыр на дыкхэн ёнэ?
7. Ту бут хабэн, пибэн дыян ваш манушэнгэ,
Мирэ илэскэ Ту дыян бутыр, сыр лэнгэ.
8. Мэ сом пашло, суто - дрэ Тыро свэнто миро,
и Ту сан Екхджино, кон дэса мангэ миро.

ПСАЛОМ 6.
(Образец - "Гыя Гуля э брусныка тэ скэдэл")

1. Рая Дэвла, на бангякир мири мэн,
кеды Ту древан пэ мандэ холясос,
на чхув пэ миро шэро Тыри холын,
кеды Ту пэ мандэ сан холясыно.
2. Ту потангинэ ман, би-зорьякирэс,
Ту састякир мрэ кокалы тэ на здран.
3. Миро ди издрала, Дэвла, сыр патрин,
сыр Тут, Рая, мэ `гара ужакирав?
4. Рисёв, Рая, зракх екхатыр миро ди,
ваш Тыро баро ко свэто лачхипэн,
5. пал-дова со на рипирла Тут муло,
на славинэл Тут гробостыр хасино!
6. Мэ адякэ мрэ ясвэндыр кхиныём,
Ту раты шунэса миро роибэн,
сари рат киндёл ясвэндыр миро муй,
мрэ гада киркэ ясвэндыр киндынэ.
7. На дыкхэна мрэ якха бутыр мишто,
холямэндыр манушэндыр коринэ.

8. Джан криг мандыр сарэ долэ мануша,
сыр Ту, Дэвла, ушундян мро роибэн.
9. Ушундян, сыр зоралэс мэ Тут мангдём,
прилыян мири молитва хачкирды.
10. Мэк сарэ тэ здран ладжатыр холямэ,
тэ прастан ёнэ палэ ладжакирдэ.

ПСАЛОМ 16.
(Образец - "Не отрекаются любя")

I.
1. Приракх ман, Дэвла, пал-дова сыр мэ гарадёвав дрэ Тутэ.
2. Пхэндём: Ту сан мро Рай Дэвэл; саро мро кучипэн сын Тутыр.
3. Трэ свэнта 'газдынэ прэ пхув, и кэ ёнэ мро ди урняла.
4. Мэк бибахт тэ барьякирэн долэ, кон кэ вавир прастана:
А мэ ваш дэвлорэ мулэ ратэса жэртвы на чхувава,
И лэнгрэ мэлалэ нава мирэ вуштэнца на кхарава.
5. Мро Рая! Тутэ сын саро, со дорэсава - бичхавэса;
Ту рикирэса джиипэн и бахт чхавэскэ парувэса.
6. Пхув мангэ Ту дыян шукар, куч миштыпэн ман радынэла.
7. Явава Тут тэ славинав, Рас, Саво ман сыклякирэла;

II.
Явава Тут тэ славинав, Дэвлэс, Кон ман сыклякирэла;
Патяла мро ило - раты, карик тэ джав, мангэ пхэнэла.
8. Ту надур мандыр, мэ шунав, Тут кажно моло рипирава,
Ту мрэ чачэ ригатыр сан, и мэ зорьяса тэрдёвава.
9. Миро ило сын лошало, мирэ вушта Тут славинэна;
патява Тукэ - мрэ маса откхиныбэн пэскэ латхэна.
10. Пеклостыр Ту зракхэса ман, пэскрэ чхавэскэ ту на дэса
мангэ дрэ пхув тэ кирнёвав, сыр мэ патяндыём илэса.
11. Ту сыкавэса мангэ дром кэ радыма бари паш Тутэ,
мри бахт дрэ Тыро васт чачо, мро ди гарадыно дрэ Тутэ.

ПСАЛМО 23
Давидоскиро Псалмо.

1. Мро Рай исын миро лачхо Чараибнари;
саро, со мэ манга ва, - дэла мангэ Ёв:
2. прэ зэлэна чарья тэ чалёвав рикирла,
ман кэ сутэ паня лыджяла пашэдыр.
3. Мрэ дёскэ дэла зор нэви, Ёв ман лыджала
пэ дром кэ чачипэн, ваш Лэскро свэнто лав.
4. Мэк мангэ сын тэ джав пир коро дром мулэнца,
мэ Туса на дарав, мро Рай, сыр Ту сан манца.
Патява: Тыро кашт кэ дром чачо традэла,
патява: Тыро васт - и ман подрикирэла.
5. Чхудян мангэ хабэн - ангил да холямэндэ;
Ту помакцян лачхэ дзэтэса мро шэро,
мро джиипэн пхэрдо сын Тырэ лачхипнаса
адякэ, сыр миро тахтай исын пхэрдо.
6. Мэк сарэ дывэса, кицы Ту мангэ дэса,
екх манца тэ явэл Тыро ило лачхо,
Палэ - бут дывэса, кицы Ту мангэ дэса,
явава тэ бэшав дро Тыро кхэр вучо.

ПСАЛОМ 131.
(Образец - "Вано-гуливано", музыка - Александр Колпаков, исп. Леонсия Эрденко)

1. Рая Яхва! На пхутёла миро ди,
на дыкхэна барипнаса [=вучипнастыр] мрэ якха,
на родава, со сын мандыр барыдыр,
мирэ годятыр вучидыр тэ 'галёвав.
2. Рикиравас миро ди, сыр тыкнорэс,
саво датыр колындэстыр отлыно:
уса ровэлас миро ди, сыр чхаворо,
саво сын датыр колындэстыр отлыно.
3. О, Израилё! Ту патя дрэ Дэвлэс[тэ]
тэ патяс ту какана - прэ шэлбэрша.

ПСАЛОМ 137
(Образец: "Одой пашэ рэка, дой рома тэрдэнас...")

1. Бэштэ пашэ рэки, дой кэ Вавилоно,
амэ рундлэ самас, рипири Сионо.
2. Пэ кашта дрэ форо, машкир баро форо,
одой убладям-мэ башадя амэнгэ.
3. Кон амэн традэ дой, кон амэн стардэ дой,
ёнэ замангэнас гилори амэндыр;
Кон амэн традэ дой, кон амэн стардэ дой,
замангэнас пэскэ радыма амэндыр:
- "Нэ, баган амэнгэ екх тумарэ гилендыр".
4. Сыр амэ тэ багас гилы сыр Дэвлэскэ
дур пэ риг, кай нанэ радыма илэскэ?
5. Сыр мэ тут бистрава, О Ерусалимо,
мэк ман тэ бистрэл мро васт чачо екхатыр;
6. сыр на рипирава мэ тут, свэнто форо,
мэк тэ мэрэл мандэ мири чиб екхатыр;
сыр мэ на явава тэ шарав бутыр тут -
сан бутыр сарэндыр радыма илэскэ.
7. Рипир, Рая Дэвла, одолэ родоскэ,
со ёнэ кэрэнас амарэ фороскэ:
- "Пхагэн лэс сарэса! Пир бара барэса!".
Со ёнэ кэрэнас амарэ форостыр,
8. Тэ рисёл пэ тутэ, чхай Вавилоностыр.
Тэ явэл бахтяса, кон тукэ плэскирла,
кон тукэ плэскирла, сыр ту плэскирэса:
9. кон тукэ плэскирла, трэ тыкнэн ухтылла,
трэ тыкнэн ухтылла - пир бара шэрэса.*

*Адалэ лава пэ ягор (енято стихо) нашты тэ багас дрэ кхангири.

ПСАЛОМ 142.
(Образец - "Дуй чхурья", З.Кикина)

1. Взмангдёмпэ зоралэ глосяса ко Дэвэл.
2. Сарэ илэстыр ангил лэстэ выпхэндём
и сыкадём миро илытко пхарипэн, (Дэвлалэ!)
и сыкадём миро илытко киркипэн.
3. Кана о ди саро дрэ мандэ замыя,
екхатыр Ту мишто дыкхэсас, кай псирдём, -
ман про да дром баро старэнас налачхэ. Дэвлалэ!
ман пиро дром баро старэнас холямэ.
4. Пэ чачо риг кана мэ, Рая, подыкхтём:
ни екх нанэ миро лачхо джиндло мануш,
никай нанэ бутыр тэ ман гарадёвав, Дэвлалэ!
никон нанэ бутыр пал мандэ тэ дыкхэл.
5. Кхаравас Тут киркэ ясвэнца, Дэвлорэс!
Пхэндём: Мро Рая, мандэ екхоро ту сан
Тырэ зорьяса ман кана тэ гаравэс, (Дэвлалэ!)
прэ пхув машкир джидэндэ Ту сан мири бахт!
6. Пошун, сыр мэ киркэс ровава пал-дова,
сыр догиём кана сарэса мэ саро,
Ту традэ одолэн, савэ традэна ман, (Дэвлалэ!)
сыр би-Тыро мэ сом - ёнэ зоралыдыр!
7. Ян старибнастыр Ту прэ воля миро ди,
явава тэ шарав мэ Тыро свэнто нав.
Чачэ мурша сарэ паш мандэ скэдынэ, (Дэвлалэ!)
сыр Ту бахтякирэл ман, Дэвла, барвалэс.

ПСАЛОМ 150.
(Образец - "Как хороши, как свежи были розы")

1. Алилуя.
Шарэн Дэвлэс дрэ Лэскри Кхангири:
дро болыбнытко шатра Лэс шарэн.
2. Шарэн пал Лэскиро зоралыпэн;
пал Лэскро барипэн шарэн Дэвлэс.
3. Шарэн Лэс зоралэ башаибнаса,
пэ лута и пэ гусьли Лэс шарэн.
4. Шарэн пэ бубно Лэс и кхэлыбнаса,
пэ струны башадяса Лэс шарэн.
5. Шарэн Дэвлэс пэ зоралэ цымбалы,
барэ-занякирэ глосяса Лэс шарэн.
6. Саро джидо мэк тэ шарэл Дэвлэс.
Алилуя.
Категория: Стихи и проза цыган. | Добавил: cigane (25.04.2006) | Автор: В. В. Шаповал
Просмотров: 2552 | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]