М.Булатов. Кхеритка жывотна. - Стихи и проза цыган. - Каталог статей. Цыгане. - Цыганский Ансамбль. Цыгане. Свадьбы, юбилеи, праздники.
Профессиональные музыканты, в том числе джазовые музыканты, артисты различных жанров и направлений, профессионалы от Содружества московских музыкантов выступают на праздниках и банкетах.

На фуршетной части праздника актуальны классические музыканты, чаще всего приглашается струнный квартет - две скрипки, альт и виолончель.

На праздниках всегда актуален ведущий праздника. Если это мероприяти свадьба, банкет или день рождения, то ведущего можно назвать тамада, но это определение все меньше и меньше употребляется в среде профессионалов.

Если ваше праздничное мероприятие прходит на улице, то вам наверняка потребуется духовой оркестр. Если праздник имеет официальные атрибуты, то, конечно, это должен быть военный духовой оркестр.

Наш опрос
Оцените мой сайт
Всего ответов: 4003
Вход к цыганам!
Логин:
Пароль:
Поиск
Статистика

Онлайн всего: 7
Гостей: 7
Пользователей: 0
Главная » Статьи » Стихи и проза цыган.

М.Булатов. Кхеритка жывотна.
 
Кхеритка жывотна.
М.Булатов.
 
 
Гурувны и гуруворо
Э Лысухате сыс пёстро гуруворо.
Коли гуруворо сыс древан тыкно, ёв пия Лысухакиро тхуд и псирдя пашыл кхер.
Коли гуруворо набут выбария и высыклыя те хал е чяр, хуланы традыя гуруворес кхетане Лысухаса пре фелда. Дре фелда сыс рыжа, парне и пёстра гурувня.
Гуруворо псирдя е баре гурувненца, хая чяр и оттрадыя порьяса матхьен.
Ке бельвель ракхибнарья традыне лен пре вавир штето. Гурувненге пригыяпе те джян пирдал река. Река сыс нахор, и гурувня пиригыне пирдал лате. А гуруворо сыс тердо про брего и дарандыя те джял дро паны. Лысуха на камья те джял би пескире гуруворесте, не ёй кхиныя те тердёл, и гыя пирдал река. А гуруворо уса тердо сыс про брего и тангес дыя годла.
Коли Лысуха кхетане вавре гурувненца отгыя дур е рекатыр гуруворо чюрдыяпе дро паны и сыгес пирипрастандыя пре вавир брего. Адяке ёв допрастандыя ко гурувня и гыя кхетане ленца.
Балычны
Злокоса балычны выгыя шталатыр пре греда. Пал лате выпрастандыне тыкне балычёре. Балычны псирдя пире греда, хая чяр и хрюкиндя, а балычёре ганадепе дре пхув.
Балычёре латхне бари лужа и лыне те дре лате те купиненпе. Лужа сыс мелалы, и балычёре замакхнепе. Ангил адава ёне сыс розовоненца, а акана ачне буроненца. Розовоненца ленде ачнепе екх о накха.
Дро пашдывес явне джювля, саве псирна пале балыченде, выморде балычёрен и тходе ленге корыто хабнаса. Балычёре тердыне пашыл корыто и лыне те хан адяке, со сыс шундло ленгиро чявкима. На сыс только екхе балычёрес – самоне курносонес. Ёв невес упрастандыя дре лужа те купинелпе.
Джювлы вытрадыя балычёрес лужатыр, вымордя вавир моло и притрадыя ко корыто. Не дро корыто ничи на сыс: саро выхане вавре балычёре.
Адяке и пригыяпе самоне курносонеске балычёреске только те полижинел чючё (пусто) корыто.
Грай
Грасняте лынаскиро бияндыя рыжо кхуроро. Кхурорес прокхарде Рыжыкоса. Кома (грива) Рыжыкосте сыс надленго, пори адяке же надленго, а гера дленга и сане.
Рыжыко саро время псирдя надур е датыр. Ёй обсунгья лес и харудя уштеса.
Ангил Рыжыко пия дакиро тхуд чючендыр, а дурыдыр высыклыя те хал е чяр, не выкыдыя само ковлы. Адяке проджиндя Рыжыко сари осень.
Явья зима, выпыя ив. И греда (дворе), и крышы, и гасы, - саро ачья парнеса и гладконеса. Урдена гараде дре штала и доресне шлыты. Мануш, саво псирла пале гренде, вылыджия грен и лыя лен те дел андре. Дыя андре ёв дре шлыта и Рыжыкоскирья да. Про шлыты тходе кувшины тхудеса и лыджине дро форо. Рыжыко прастандыя пашыл пескире дате и дыкхья пиро строны. Болыбнастыр дыкхья кхам и саро блестиндя тел лесте – и фелды, и дрома, и ёлки, учякирде ивеса. А краёскире дроместыр бешто сыс баро корако и шундлес дыя годла.
Олени
Дур пре северо, машкир баре ивитка фелды, дживена северна мануша – чюкчи.
Кхероре ленде керде сы оленьёне цыпендыр. Постына, тыраха и ферлоти чюкчи сывена тоже оленьёне цыпендыр. Хана ёне оленьёне мас, пре олененде традена и пре охота.
Чююкчи ракхена пескире оленен.
Олени разганавена ив и хана мохо, саво барьёла тело ив.
Дре екх чюкотско гав сыс бут олени, и сыго ёне схане саро мохо. Чяраибен ленге на лыя те ухтыл, и ёне лыне те шутён.
Пхуре мануша пхендле:
-Требине те пирилодес пре вавир штето а то адай олененге нане со те хас.
Чюкчи дыне андре оленен дро локхе шлыты – нарты, тходе пре ленде пескире кхероре – чюмы и чяворен и, гыне дро дром.
Традыне дывес, дуй дывеса, трин дывеса, латхне штето, кай бария уч мохо, тердыне. Адай чюкчи тходе чюмы и лыне те ракхен оленен.
Олени ханас мохо и чялёнас и адалестыр ачне блестяшшёненца, тхуленца. Отджидыне олени.
Верблюды
Екхвар мануша тходе пре верблюденде гоне хлопкоса и традыне лро форо. Кхетане верблюденца лыне екхе грес.
Форо сыс дур. Дром гыя пирдал пустыня. Дре пустыня на сыс ни паны, ни веш, екх хачкирдо прахо.
Верблюды гыне екх пал екхесте тихоне шагоса, а ангил гыя само баро и годьваро верблюдо – ленгиро лыджяибнари.
Грай обтраделас верблюден, не понабут кхиныя и лыя те отачел. А верблюды гыне ровноне шагоса и на кхиныне.
Дро пашдром дре пустыня газдыяпе зоралы балвал. Балвал газдыя хачкирдо прахо. Прахо кренцындяпе и саро заучякирдя песа. Мануша зарикирде верблюден и затходе лен те пасён. Кокоре ёне пасине пашыл верблюденде.
Балвал пириячья те пхурдел, верблюды газдынепе, и гыне дро дром, сыр и гарыдыр, а грай вымардяпе зорьятыр и гыя кхинес палал.
 
Осло
Бичяде чяворес те отлыджял дро форо дуй гоне пхабенца. Чявореске дыне ослос. Ёв пиричюрдыя гоне пирдал ослоскиро думо, а кокоро гыя пашыл.
Осло гыя пиро дроморо, а чяворо гыя пашыл и багандя гиля.
Екхатыр осло тердыя. Чяворо лыя те подтрадел лес, не осло на камья те джял дурыдыр. Чяворо лыя те подтрадел лес, не осло на камья те джял дурыдыр. Чяворо лыя бари ран и лыя те мар лес. Не осло на камья те джял. Ёв змекья шеро, шевелиндя дленгоне каненца и тердо сыс пре екх штето.
Чяворо дыя годла пре ослосте, мардя лес е раняса и традыя лес палуестыр. А осло са тердо и тердо. Лыя те змекелпе е рат. Чяворо кхиныя, бестя про бар и зарундя. Екхатыр осло зашевелиндя каненца и гыя ангил.
Про палатуно дром осло на нартысалыя, гыя шукар, а чяворо бешто сыс пре лесте уклисто.
 
Бакре и джюкела
Традыне ракхибнарья бакрен дре фелда. Кхетане ракхибнарьенца гыне джюкела. Бакре сыс бут. Ангил гыя баро бакро закхуде рогенца и кренцоне баленца.
Пиро дром бакре гыне шукар. А явне дре фелда, похане чяр, чялыне и лыне те роспрастанпе лре саре строны. Ракхибнарьяя прастандыне пале бакренде, камне те скеден лен, не бакре на шундлепе. Ракхибнарья кхарде джюклен. Джюкела лыне те чюрденпе пре бакренде, саве отпрастандыне и зоралес башне пре ленде. Бакре дарандыне джюклендыр и прастандыне сыгыдыр дре фелда.
Пре рат ракхибнарья ачнепе дре фелда. Ёне розлыджине яг, беште сыс пашыл яг, хане и ракирде машкир песте. Пашыл ленде пашле сыс джюкела.
Дре пашрат подчёрдяпе ко бакре рув, камья те утырдел бакрес. Рув гыя чёраханес. Не джюкела ушундле лес, чюрдынепе, шундлес забашне и протрадыне рувес.
 
 
 
 


Источник: http://Детиздат ЦК ВЛКСМ Москва 1936
Категория: Стихи и проза цыган. | Добавил: Lautari (02.09.2009) E
Просмотров: 1100 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]