Профессиональные музыканты, в том числе джазовые музыканты, артисты различных жанров и направлений, профессионалы от Содружества московских музыкантов выступают на праздниках и банкетах.

На фуршетной части праздника актуальны классические музыканты, чаще всего приглашается струнный квартет - две скрипки, альт и виолончель.

На праздниках всегда актуален ведущий праздника. Если это мероприяти свадьба, банкет или день рождения, то ведущего можно назвать тамада, но это определение все меньше и меньше употребляется в среде профессионалов.

Если ваше праздничное мероприятие прходит на улице, то вам наверняка потребуется духовой оркестр. Если праздник имеет официальные атрибуты, то, конечно, это должен быть военный духовой оркестр.

Меню сайта
Наш опрос
Оцените мой сайт
Результаты | Архив опросов
Всего ответов: 4078
Вход к цыганам!
Логин:
Пароль:
Регистрация | Забыли пароль?
Поиск
Статистика
Онлайн всего: 1
Гостей: 1
Пользователей: 0
Главная » Статьи » Стихи и проза цыган.
О РАШАЙ ТЭ О РАШАСКИРИ БУТЯРИ БАЛДА
Джиндя екх рашай о пхуро,
О чекат сы лэстэ каштуно.
Гыя пиро тарго мро рашай
Тэ кинэл со трэби кай-ни-кай.
Окэ подгыя кэ ёв о Бaлда-муршоро,
Гыя, кай гыяпэ, ада чяворо.
"Соскэ, дaдо, кхамэса уштэса?
Ту, ґалёв, со пэскэ родэса?"
О рашай: "Родава мэ екх бутярэнгиро:
Грэнгиро тэ каштэнгиро.
Кай тэ дорэсав дасавэс
Тэ мангэл ёв мандыр на кя зуралэс?"
О Бaлда лэскэ: "Мишто, мро хулай,
Лава тукэ тэ кэрав саро одой-адай,
Дро бэрш мэ лава тутыр, мро дад,
Трин мардорэ на рупунэ, нэ дро тыро чекат;
Тэ хав э кхурми мангэ дэса...
Со ту о чекат харувэса?"
Сы о мардо тэ сы о мардоро,
Патяндыя о рашай дро чекат пэскиро.
Пхэндя мрэ Балдaскэ: "Чячё!
На вэла, ґалёв, адава кя учё.
Яв кэ мэ про миро хулаипэн,
Сыкав тыро муршыпэн".
Дро рашаскиро кхэр мро Бaлда дживэла,
Ко пхус шуко, сыр о рай, ёв совэла,
Сыр штарджинэ э кхурми укэдэла,
Сыр шовджинэ тэ екх э буты ёв кэрэла;
Англэдыр кхамэстыр кхэлла буты сари,
Дэла андрэ ёв - тэ гыя аври,
Э бов багала, саро сы киндо-кэрадо,
О парноро пэкэла - подэла пропаш роскэрдо.
Э рашаны лэс миштэс кя шарэла, [1]
Э раклори прэ лэстэ кя дыкхэла,
О раклоро лэс "дaдоро" кхарэла;
Кэрадя э кхурми, палэ тыкнэстэ ёв псирэла.
Екх рашай мрэ Балдaс на пирикэравэла,
О лав тато мрэ муршэскэ на пхэнэла,
Пало чекат о ило рашастэ тасадёла;
О бэрш прастала, ко агор пасёла.
На хала о рашай, на пьела, на совэла:
О чекат лэстэ кэ тимин ханджёла.
Акэ хуланятыр ёв пучела:
"Акадякэ, со тэ кэрав мангэ?"
Э джювлякири, морэ, годы
Кэ бангэ бутя сы миштэс кэрды.
Э рашаны: "Сы мандэ екх лaв, сыр
Тэ ракхас тыро чекат э Балдaстыр:
Дэ лэскэ да буты, тэ кэрэл ла Балдaскэ нашты;
Сыр кэрэла саро - пэс хаськирла,
На кэрэла - о лав пхагирла.
Тэ ракхав тыро чекат адатыр,
Да Балдaскири уче тиминятыр".
Локхэдыр авья про ило мрэ рашастэ,
Ёв дыкхья, сыр о рай, прэ Балдaстэ.
Акэ кхарла: "Яв кэ мэ, мро писхари,
Кандыно мро Бaлда-бутяри.
О бэнга о панэнгирэ сы пхандынэ
Мангэ тэ бичявэн о бэршэскрэ ловэ;
Фэдыр мангэ на трэби ґалёв да тимин,
Нэ дава трито бэрш, сыр нанэ ни ґасприн.
Ха сыгыдыр три кхурми кэрады,
Тэ дорэс мангэ лэндыр да тимин э пхэрды".
О Бaлда о лав на чюрдя,
Гыя, дро паны о шэло андрэ чюда;
О шэло дро паны ёв киндякирла,
Кон авэла, ёв дужакирла.
Акэ о пхуро Бэнг сыкадяпэ:
"Со тукэ, мро Бaлда, кэрдяпэ?"
- "Лава мрэ шэлэса о паны тэ кхував,
Тумэн армандынэн тасакирав".
Лыя э Бэнгэс чядыпэн.
"Пхэн, пшaлоро, палсо тыро ада налачипэн?"
- "Палсо? Тумэ на дэна э тимин,
Трито бэрш нанэ тумэндыр ни ґасприн;
Нэ мэ да паны шэлэса скхувава,
Э хась бари тумэнгэ кэрава".
- "Нэ, Бaлда, на кэр мро паны кхувды,
Сыг амэ даса э тимин пхэрды.
Бичявава тукэ мрэ чявэскирэ чяворэс..."
О Бaлда пэскэ: "Да хохавава кирнэс!"
О бичядо Бэнгоро сыкадыя аври,
Рундя, сыр э бокхалы джюклори:
"Бахт тукэ, о Бaлда - мурш баро;
Саво авэл о лав тыро?
Э тимин одо ґара на лыджияпэ,
Тыро лав кирко амэнгэ прихаяпэ.
Нэ, доракирдямпэ 'мэ сарэ,
Нэ, совэл дыям амэ сарэ, -
Тэ на 'вэл амэндэ бида тиминяса:
Кон прастал о баро паны ангрустяса - сыгыдыр,
Ёв э тимин пэскэ лэла,
О гоно ловэ мро дад скэдэла".
Сала Бaлда тэ тэрнэ Бэнгэскэ:
"Дылыно, родэс э бида пэскэ?
Карик манца тэ прастас ту ласа,
Кокорэса зуралэ Балдaса?
Дылынэ бичявэна тут тэрнэс!
Мэ кхарава фэдыр мрэ пшалорэс".
Сыго ёв - ко вэш, одой дуен
Ухтылдя шошон канэнгирэн.
Ко паны гонэса рисия,
Э тэрнэс Бэнгэс ёв налатхья.
Сыкавэла лэскэ "пшалорэс":
"Тэ прастас ту лэса на камэс?
Ту тэрно сан, мэ прастав ґара;
Нэ, тэ на пхагён тырэ ґэра,
Фэдыр тукэ мрэ тэрнэ пшалэса
Тэ прастас - адалэ тыкнорэса.
Екх, дуй, трин! Дорэс мирэс!"
Дуйджинэ традэна пэс:
Бэнг - пашо паны, э ангрустяса,
О канэнгро "пшал" ко вэш - ягаса!
О баро паны бутыр чярэстыр:
Рисия о Бэнгоро дромэстыр,
Лэстэ чиб - аври, э зор - нанэ,
Ёв киндо кхамэстыр сыр каґны,
Тэ патяла, хай Балдaс кэрдя.
Дыкх - о Бaлда пэскирэ "пшалэса"
Ракирэла: "Мро лачё, дыкхэса,
Сыр прастаса, сыр ту кхиныян".
Бэнгоро э годы нашавэла,
Э пори - тэлэ, прэ "пшалорэс" -
На пхутёла бутыр - бангэс дыкхэла.
"О ловэ, - пхэндя, - дужакирэс?".
Кокоро ко папу: "Бида 'мэнгэ!
Кэрдя ман до Бaлда до тэрно!"
Э пхурэскэ дрэ годы одо лав,
А о Бaлда лыя тэ дэл годлa,
О баро паны замутинэла,
Са шэлэса о паны кхувэла.
Сыкадыя о Бэнгоро: "Авэла,
Э тимин сари тукэ бичяваса -
Шун мро лав. Екхвар туса скхэласа:
Дыкх ада дэсто? Вастэса кон дурыдыр лэс чюрдэла,
Э тимин пхэрды ёв пэскэ лэла.
Сыг амэ даса тимин пхэрды,
Дро гоно ловэ сы стходы.
Дарэса тэ булавэс аври о васторо?" -
"Камам про болыбэн тэ дав тро дэсторо:
Чюрдава о дэсто про болыбэн,
Тэ палэ уж сыкавава тумэнгэ, бэнгэнгэ, чядыпэн".
Трашано Бэнгоро - ко Пхуро лавэса,
Хай, ничи да Балдaскэ на кэрэса,
А о Бaлда ко паны са годлa дэла,
О баро шэло бэнгэнгэ сыкавэла.
Сыкадыя о Бэнг: "На кэр о паны кхувды,
Авэла тукэ э тимин пхэрды..."
- "Нат, - о Бaлда пхэнэла,
- Акана пиро миро авэла,
Кокоро ту мангэ сыкавэса,
Саво зурало ту сан пэрэса.
Зумавава, сави тыри зор.
Дыкх: э грасны локхи сыр пор?
Ла вастэнца ґаздэса
Тэ хоть про епаш вэрста зачюрдэса;
Сыр кэрэса - ту анэса э тимин,
На кэрэса - на лэса ни ґасприн".
Чёроро бэнгоро
Тэлэ граснятэ, сыр кхуро,
Акэ - пхарэс, окэ - пхарэс,
Э грасня ґаздыя, дуй шаго кэрдя.
Про трито пыя, ґэрорэ пхагинэ.
А о Бaлда: "Дылыно ту Шынг,
Пал амэндэ тукэ - каринк?
Мрэ васта мэ, мурш, на лава тэ макхав,
Дыкх, сыр мэ лыджява ла машкир ґэра".
И прэ граснятэ уклистэс
Э вэрста традыя, о прахо ґаздыя - учес.
О тэрно - ко Пхуро: "Хась бэнгэнгири! [1]
Кэрдя ман до Бaлда бивастэнгиро!"
Тэрдэ о бэнга ангрустяса:
"О гоно ловэ - нанэ со тэ кэрас - скэдаса", -
Лыя о Бaлда про думо ловорэ,
Псирдя о Бaлда э гонэса кхэрэ.
О рашай, лэс дыкхи, ухтя тэ прастал,
Тэлэ хуланятэ тэ гарадёл камья,
Банькирдо страхатыр, ёв лыя тэ здрал,
Коли о Бaлда лэс одой латхья.
О гоно ловэ лыя мро рашай,
Трэби тэ плэскирэл адай.
Сыкавэла мро рашай чёроро
Пэскро чекат каштуно:
Сыр пыя екх мардо,
Ухтя ёв упрэ, нэ сыс тэрдо;
О дуйто мардо попыяпэ,
Э чиб мрэ рашастыр отлыяпэ,
Сыр дыя о Бaлда про трито,
Мардя э годы аври-то.
А о Бaлда илэса ракирдя:
"Э локхи тимин до чекат пхагирдя".
--------------------------------------------------------------------------------

Примечание:

[1] Благодарим за исправление этой строки Л.Н. Черенкова.

Категория: Стихи и проза цыган. | Добавил: cigane (22.12.2005) | Автор: А.С. Пушкин
Просмотров: 2798 | Комментарии: 1 | Рейтинг: 0.0/0
Всего комментариев: 1
1 КАНАДА  
0
Оооо! biggrin Непонятно!

Добавлять комментарии могут только зарегистрированные пользователи.
[ Регистрация | Вход ]