А.Барто. Пшалоре
пирилыджия О.Панкова
«Ме роспхенава туменге ваш пшалоренге, саве на здена екх пре екхесте, саве дживена дре разна чясти амари бари кренгло пхув».
С.Брайент
Калиньконе пшалоресте
На пасёна о бала,
Кренца – сыр е бакроресте
Пре шере ангрусторья.
Калебаленгиро
Калеякхенгиро
Герорья дре пхув марена,
Ушторе выракирена:
«Гилли-милли
га!»
жолтоне е пшалоресте,
бангеякхенгире чявесте
пусавенапе бала,
пре шеро – кале сувья.
О бала, сыр веш, терде
Чямья скуластенька, шуке.
Герорья дре пхув марена
Ушторе выракирена:
«чинге-линге чен!»
Тритоне е пшалоресте
Трупо тмяно чяворесте,
Трупо светлошоколадно,
Пшалоро древан сы складно.
И про штето, кай якха –
Дуй калёна вангара.
Герорья дре пхув марена
Ушторе выракирена:
«Кива-кива шва!»
А парне е чяворесте,
Сыр кудуни глосори,
Дре якха е пшалоресте
На мурдёла ягори.
Дре якха сабе кхелела
О бала сыр гив – балвал газдела.
Герорья дре пхув марена,
Ушторе выракирена:
«Ма-ма! Ма-ма!
Ма-ма! Ма-ма!!»
Калиньконе чявореске
Дай гилы забагандя:
«ой-ла!
Подавела ратори,
Ту пасёв, наушты.
Ой-ла!
Дад кхамеса угыя,
Ёв инке на явья.
Бут зорья нашавела –
Пхаре гоне ёв тырдела.
Ой-ла!»
Лава ме те багав;
«Барьёв,чяворо,
туте сы пшалоре,
ту на сан екхджино.
Кай зор дадесте на ухтылла,
Пиризорьякирла о чяво!»
Сов, миро калекхенгиро,
Сов, мро чяворо.
Жолтиньконе чявореске
Дай багала гилы:
«Сов миро чяворо,
Сов Ю – Дзын!
Саро дывес кердём пхара.
Ой, дукхана мире васта,
Кхиныпе ман лыя,
Бутыдыр нане зорья,
О хулай пал адава
Ни гасприн на плескирдя.
Лава те багав ме:
«Барьёв чяворо,
туте сы пшалоре,
ту на сан екхджино...
Ленца кхетане явеса
Ту дре яг тхувеса
Ленца розмареса.
Сов, миро чяво,
Миро Ю-Дзын!
...Суто?»
Тмяноне чявореске
Дай гилы забагандя:
«Ай-я!
На джянгав дадес, чяво,
Пасия о дад кхино
Ай-я!
Де леске те откхинёл.
Атася думеске инке те бандёл.
Пре болотисто фелда, дре бутя
Уже на екхмануш мыя.
Ай-я!
Те откхинёс одой на леса
Палал тердо хулай дестеса.
Лава ме те багав:
«Барьёв, чяворо,
туте сы пшалоро,
ту на сан екхджино.
Кай дадесте зор на ухтылла,
Пиризорьякирла чяво
Сов, калеякхенгиро,
Сов, миро чяво!
Чяворо парно пасия,
Леске дай гилы багандя:
«Пасёв ту
пре пашваро,
Выле мостыр
Васторо
Баю, бай, чяворо,
Засов, тыкнинько миро.
Выбарьёса сыг баро,
Мурш явеса зорало.
Пре заводо, сыр дад тыро,
Ке машина явеса тердо.
Пало заводо дад
Мардяпе зоралес,
Ваш адава, соб ту одой
Те бутякирес.
«Баюшки – баю!
Багава туке ме:
Ваш пшаленге на забистыр,
Со дре риги вавре.
Коли прнджяла ленца
Туке те явес,
И дре яг и дре тхув
Зор те сыкавес.
Баю!
Баю!
Цыц....
