Холямо башно.
Сыр-то Вано
Е штубатыр выгыя,
Тыкнен кагнорьен
Дро садо удыкхья. Про васта телел Екха камья, Не кагны пре лесте Годлы задыя. Холямо башно Ваняс удыкхя. Дро шеро ёв лес Зоралес мардя. Дукхано шеро. Вано зарундя, Тыкнинько кагня Вастендыр чюрдыя. Чяворо вавир-же Адава дыкхья. Ёв пре Ванясте Годлы задыя: - Набут, набут, Вано Туке попыя! Адяке и треби На трогин кагня. Мыца Мурка Псирла Мурка Пиро садо. Чёрори ровела Танго,танго Ла Настяке. - Бибо Маня Сода мыца. Не-ка ёй мерела? - Со ту! ... – бибо розсандяпе. Ёй тыкне лаче мыцен Туке биянела. Мек ёй чёрори пасёла Тыкнори кереньте. Пало тёмно венглоро Туме ла тховеньте, Чяворе сыр похане Текерен тыкны гене. Настя мыца подкхардя Мыца годлы гадыя. Наров, мыца! Ту лачи И явеса зоралы. Про вавир дывес чяве Сыр дро садо пригыне Панч тыкне Мыцен латхне. Сыр-то бибо Порта на запхандя Холямо джюкел Дре штуба загыя Мыца Мурка, Сыр то удыкхья Про думо Джюклеске уклистя. О-джюкел страхатыр Е-пори змекья Сыгедыр кхерестыр Пре гас углыя. Ваш кагны Про кашта мея Пеструшка – кагны. Ёй упре геренца Чёрушка пашлы, Чяворенге танго: Со-же текерес? Треви ла пре пхус Сыгедыр тезлес! Аме гераваса Пало венглоро. – Кокоро дыкхаса, Со керла башно. Пригея башно, Кагня удыкхья. Ёв саре кагненге Годла задыя. Пригене кагня – Муля подыкхне. Дре глоса пал лате Ёне зарундле. Дро парне лыла Чяве ла закерде, Э дре пхув муля Кагня гераде. Васяске прихаяпе Саро тедыкхес, Ёв пхендя; Явеньте Буты те керас. Френто ёжо Атася чаве Дро веш псирде. Теле бреза Е-ёжос латхне. Приявне кхере, Ёжеске ящичко керде. И дро ящико пре фенштра Ёне лес тходе. Тихес ёжик Девес пробестя Не сыр темно – Рат явья – Ёв дро веш Те упрастал камья Набут ёжик прогэя, Дре тревика Сыр-то попыя, Одотхыр страхатыр Ёжо выгыя, Дро чаро дыяпе Лачо тхуд латя. Сыгыдыр саро спия Сыр спия, Одяке пасия. Дадывес гаджё Лес удыкхья: Содава? – якха выпурадя Сыгыдыр чявен Сарен кхардя. Чяворе гаджеске Роспхендле, Кай ёне ёжос лыне. Жучки. Ке бельвель Санюшка Кхере пригыя, Дуй тыкнен жучкен. Ёв ке пе андя. Дре тыкны коробка Ёв лен герадя Тело бов жучкен Сыгыдыр тходя. Каждо дывес ленге Ев маро дыя. Адава саро дадо Удыкхья и адяке ёв Сабнаса пхендя: Соже ту уроко, Чяво на кердян? Шун ме со керава Ме тырен жучкен Пре гас вычурдава. Санюшка дадеске Саро патиньдя И дадес ясвенца Зоралес мангья: -Мек дживена дадо! Ме саро керава а лынай авела Ме лен вымекава. Ке вельвель, Санюша Пашо бов дыкхья Про пескиро штето Жучкен на латхья Чяворо страхатыр Годлы задыя. Пре вавир сыр строна Васт протырдыя Пескире жучкен Ёв одой латхья Цело зима Саня Жучкен герадя Не лынай явья Ёв лен вымыкья. Вануко. Бари бида О Ванукицо кердя, Атася баро Чяро розпхагирдя. Дадывес неви тырах Розрискирдя Кебельвель-же Фенштра отпхандя И о-тхут ёв пале фенштра вычидя. Наджинела дай, Со те керел, треби лес дре школа те отдел. Не Вануко на камья И те шунел коли Дай камья лес Е дре школа те отдел. Дай-же лес Шукир уракирдя И дре школа Тело васт отлыджия. Не еньке и дуй дывес На прогыя сыр Вануко школа покамья. Чяворенца ёв одой кхелдя А учитель леске книжкицы дыя. Кокоро-же сык Ванука полыя, со наке шукир Кхере кердя. Ни палсо ёв да холякирдя. Акана Ванук атя лачо гара, Сык урьена леске галстучко лоло.
Источник: http://Центриздат Москва 1930 | 
